Քոլէճի տնօրէնութիւնը գոհունակութեամբ ստացաւ Հայաստանի Հանրապետութեան կրթական եւ գիտութեան նախարար Արմէն Աշոտեանի նամակը, որ կը գնահատէ քոլէճին 50¬ամեայ վաստակը սերնդակերտումի եւ հայակերտումի աշխատանքներուն մէջ։

Նամակին մէջ, Աշոտեան կը հաստատէ, որ Ազգային Լեւոն եւ Սոֆիա Յակոբեան Քոլէճը «Այն կրթական հաստատութիւններից է, որն արժանապատուօրէն է իրականացրել մատաղ սերունդն ազգային եւ հայրենասիրական արժէքներով դաստիարակելու վեհ գործը»։

«Եղէ՛ք առողջ, զինուէք աշխատասիրութեամբ, նպատակասլացութեամբ ու, անտարակոյս, կեանք կ’առնեն ձեր բոլոր երազանքները», կը թելադրէ նախարար Աշոտեան նամակին վերջաւորութեան։

Ինչպէս ամէն տարի, այս տարի եւս, քոլէճը իր մասնակցութիւնը բերաւ թմրամոլութեան կանխարգիլման «Հորիզոն» կեդրոնի տարեկան սեմինարին։ Քոլէճը ներկայացուցին Ժ. դասարանի աշակերտներ Վարդենի Փամփալեան եւ Ճորճ Այնթապլեան։

Երկրորդականի բաժինէն վեց աշակերտներ ներկայ գտնուեցան Հայկազեան Համալսարանի «For a better society» սեմինարի աշխատանքային հանդիպումին եւ արժանացան համապատասխան գնահատագիրի։

Երկրորդական բաժինէն ներկայացուցիչներ ներկայ գտնուեցան նաեւ «Զաւարեան» Ուսանողական Միութեան Ջաւախքի մասին կազմակերպած կլոր սեղանին։
Միւս կողմէ, քոլէճին աւարտական դասարանի աշակերտները (Բ. Պաքալորէա եւ BT3) այցելեցին Middle East Univercity (MEU) եւ մօտէն ծանօթացան համալսարան մուտքի պայմաններուն եւ ունեցած մասնագիտութիւններուն։

Ուրբաթ, 4 Ապրիլը յիշատակելի օր մը եղաւ Ազգային Լեւոն եւ Սոֆիա Յակոբեան Քոլէճի իններորդ դասարանի աշակերտներուն համար, որոնք ուրախութիւնը ունեցան հիւրընկալելու ջաւախեցի փոքրիկ արուեստագէտներ, որոնք Լիբանան կը գտնուէին Ջաւախեան օրերու ծիրէն ներս գեղարուեստական ելոյթներ ունենալու լիբանանահայութեան համար։

Ջաւախեցի հիւրերը ողջունելով Բալիկ Հապոյեան ամփոփ կերպով ներկայացուց քոլէճը, աշակերտութեան արտադասարանային գործունէութիւնը, հայագիտական դաստիարակութեան բաղկացուցիչ նիւթերը եւ Ջաւախքի հանդէպ ունեցած հետաքրքրութիւնը։

Ի պատիւ հիւրերուն կիրարկուեցաւ գեղարուեստական պատշաճ յայտագիր։ Դրօ Միրզայեան կատարեց մենաներկայացում մը՝ Ֆիլիփ Զաքարեանի «Ֆիլիփ» բանաստեղծութիւնը։ Լոռի Գառնիկեան մեներգեց «Ախ էն երկրին» երգը, ապա Անահիտ Նալպանտեան ասմունքեց Շահանդուխտի «Բացառութիւն» բանաստեղծութիւնը։ Այնուհետեւ, Նենսի Սոլաքեան եւ Գարօլին Կարապետեան ներկայացուցին նազ պար մը։

Գեղարուեստական յայտագրի աւարտին խօսք առաւ քոլէճի տնօրէն Վիգէն Աւագեան եւ յայտնեց, որ Ջաւախքը կտոր մը հայրենիք է հայրենիքէն դուրս։ Ան հայութեան տուած է մեծամեծներ՝ Վահան Տէրեան, Դերենիկ Դեմիրճեան, Յակոբ Կոջոյեան, Կարտինալ Աղաջանեան, Լուսինէ Զաքարեան, Ռուբէն Տէր Մինասեան, Յովհաննէս Քաջազնունի, Համօ Օհանջանեան եւ այլն։ Ջաւախքի տագնապը ամբողջ հայութեան տագնապն է։ Հայութիւնը իրարմով զօրաւոր է, Հայաստան¬Արցախով¬Ջաւախք միասնականութեամբ ամուր է եւ անխորտակելի։

Շարունակելով, տնօրէն Վիգէն Աւագեան խօսեցաւ Ջաւախք¬Սփիւռք կապերու ամրապնդման եւ սերտացման մասին, իբրեւ գրաւական ամբողջական հայութեան կերտման։

Իր խօսքին աւարտին, տնօրէնը հրաւիրեց ջաւախեցի հիւրերը եւ քոլէճին իններորդ դասարանի աշակերտները ստորագրելու մէկական եռագոյն դրօշներու վրայ եւ ապա իրարու նուիրելու այդ դրօշները, իբրեւ յիշատակ քոլէճ այցելութեան։

Տնօրէնին խօսքէն ետք, ողջոյնի եւ շնորհակալութեան խօսք արտասանեց Ջաւախքի «Գոհանամք» պարի համոյթի գեղարուեստական ղեկավար Նասլէտ Քէյեան։ Այս առիթով ան հրաւիրեց նաեւ քոլէճին աշակերտները համոյթի անդամներուն հետ միասնաբար պարելու։ Տեղի ունեցաւ պարի ուսուցում, որմէ ետք ջաւախեցի պատանիներն ու Սոֆիա Յակոբեանականները ձեռք¬ձեռքի տուած պարեցին հայակական աւանդական «Կէօվենտ» պարը։

Ջաւախեցի պատանիներուն քոլէճ այցելութիւնը աւարտեցաւ յիշատակի խմբային նկարով մը։

Ուրբաթ, 4 Ապրիլին, քոլէճին աշակերտութիւնը երկու հանգրուանով, միջնակարգի եւ երկրորդականի աշակերտներ, այցելեց Մեծի Տանն Կիլիկիոյ Կաթողիկոսութեան հայ գիրքի 35¬րդ ցուցահանդէս, ուր ծանօթացաւ հայ տիպ ու տառի նորագոյն հրատարակութիւններուն։ Աշակերտներ ուրախութեամբ շրջեցան ցուցադրուած գիրքերու սեղաններուն շուրջ եւ իրենց հետաքրքրութեան համապատասխան գիրքեր գնեցին։

Երեքշաբթի, 1 Ապրիլին, հայ քաղաքական երեք կուսակցութիւններու կոչին ընդառաջելով, քոլէճը կէսօրուան ժամը 12¬2 կատարեց դասադուլ, առ ի զօրակցութիւն քեսապահայութեան։
Կէսօրուան ժամը 12¬ին դասերը կանգ առին եւ աշակերտներ հաւաքուեցան քոլէճին հանդիսասրահը, ուր տնօրէն Վիգէն Աւագեան բացատրեց, թէ ինչո՞ւ դասադուլ կը կատարուի։ Ան ըսաւ, որ հայութիւնը մէկ ամբողջութիւն է, Քեսապի հայութեան տագնապը մեր տագնապն է։ Ճակատագրական նման պահերու բոլորս պարտաւոր ենք իրարու հետ ըլլալ, իրարմով զօրանալ մեր թշնամիին՝ թուրքին ցոյց տալու համար, որ ան ան չի կրնար ընկճել մեր ժողովուրդը։ Հայութիւնը գիտէ բոլոր դժուարութիւններէ ետք ոտքի կանգնիլ եւ իր հողին ու իրաւունքներուն տէրը ըլլալ։
Տնօրէնին խօսքէն ետք, աշակերտներ արձակուեցան քոլէճէն եւ տուն վերադարձի ճամբուն վրայ դէմ յանդիման եկան բազմաթիւ լրատուամիջոցներու թղթակիցներու, որոնք հարցապնդեցին զիրենք դասադուլին նպատակին մասին։

Անցնող շաբաթներուն, քոլէճը իր մասնակցութիւնը բերաւ ԼԵՎԱՄ¬ի աթլեթիզմի եւ հեծելարշաւի մրցումներուն եւ տիրացաւ երեք առաջնութեան եւ երկու երրորդութեան։

Երկար վազքի մրցումներուն Նարեկ Արսլանեան (1997¬1998ի ծնունդներ) եւ Վարդան Սարգիսեան (1995¬1996¬ի ծնունդներ) հանդիսացան առաջին, իսկ Եսայի Ատուրեան (1997¬1998¬ի ծնունդներ)՝ երրորդ։

Հեծելարշաւի մրցումներուն քոլէճը իր տիրապետութիւնը հաստատեց աղջկանց մրցումներուն, երբ տիրացաւ աղջկանց առաջնութեան եւ երրորդութեան տիտղոսներուն։ Առաջին հանդիսացաւ Ճոյս Պարսում, երրորդ՝ Ռիթա Ուլիկեան։ Տղոց մրցումներուն, Նարեկ Արսլանեան գրաւեց չորրորդ դիրքը։

Մարտ ամիսը միջ¬վարժարանային մրցանքներով լեցուն ամիս մը եղաւ քոլէճին աշակերտութեան համար։ Աշակերտներ մասնակցեցան «Խաչիկ Պապիկեան» հայագիտական հիմնադրամի հայերէն լեզուի, հայոց պատմութեան եւ մենակատարութեան մրցանքներուն եւ անցան մրցանքի Բ. հանգրուան։

Երկրորդականի բաժինը մասնակցեցաւ Համազգայինի Լիբանանի Շրջանային Վարչութեան Մուշեղ Իշխանի բանաստեղծութիւններու արտասանական մրցանքին։ Ասմունքող Նաթալի Քելխաչերեան տիրացաւ մրցանքի երկրորդութեան։
Երկրորդականը չորս աշակերտով մասնակցեցաւ նաեւ ՍԴՀԿ¬ի «Տխրունի» երիտասարդական¬ուսանողական միութեան զարգացման մրցումին եւ հանդիսացաւ չորրորդ։

Երկուշաբթի, 24 Մարտին, Ազգային իշխանութեան որոշումով, Ազգային վարժարանները մնացին փակ։ Այդ օր, Ազգային վարժարաններու տնօրէններն ու ուսուցչական կազմերը ներկայ գտնուեցան Ազգային Եղիշէ Մանուկեան վարժարանին մէջ կազմակերպուած մանկավարժական մշակման օրուան։ Տնօրէններ եւ ուսուցիչներ, խմբակներու բաժնուած, հետեւեցան առանձին դասախօսութիւններու։ Տեղի ունեցան մանկավարժական¬մասնագիտական նիւթերու քննարկումներ։
Մանկավարժական օրը վերջ գտաւ կէսօրէ ետք ժամը 2.30¬ին։

Մարտին, քոլէճի տնօրէնութեան հրաւէրով, միջնակարգի եօթներորդ եւ ութերորդ դասարաններու աշակերտները ունեցան սեռային դաստիարակութեան նիւթով դասախօսութիւններ։ Դասախօսները՝ տոքթորներ Գոհար Վարդանեան եւ Իրինա Արփաճեան աշակերտներուն ներկայացուցին արբունքի տարիքի պատանիները հետաքրքրող բժշկական գիտելիքներ եւ ընդհանուր տեղեկութիւններ։

Քոլէճի հիմնադրութեան 50-ամեակի տօնակատարութիւններուն բացումը կատարելով, Ուրբաթ, 6 Մարտի երեկոյեան, 50-ամեակի շրջանաւարտից մարմինը մեծարանքի հանդիսութեամբ մը մեծարեց քոլէճին վաստակաշատ կրթական մշակները։
Բարձր հովանաւորութեամբ Մեծի Տանն Կիլիկիոյ Ն.Ս.Օ.Տ.Տ. Արամ Ա. Կաթողիկոսին եւ նախագահութեամբ Լիբանանի Հայոց Թեմի Առաջնորդ Տ. Շահէ Եպս. Փանոսեանին, մեծարանքի հանդիսութիւնը տեղի ունեցաւ Ազգային Առաջնորդարանի «Երջօ Սամուէլեան-Եռագոյն» սրահին մէջ։ Իրենց ներկայութեամբ մեծարեալ կրթական մշակները պատուեցին Հ.Յ.Դ. Լիբանանի Կեդրոնական Կոմիտէի ներկայացուցիչ Յակոբ Խաչերեան, Ազգային իշխանութեան Ուսումնական Խորհուրդի անդամներ, քոլէճի խնամակալներ եւ 250 շրջանաւարտներ։
Հանդիսութիւնը սկսաւ մեծարեալ ուսուցիչներու ներկայացումով եւ սրահ մուտքով։ Պատուի կանգնած աշակերտական շարքերու ընդմէջէն յաջորդաբար սրահ մտան քոլէճին տասը տարի եւ աւելի ծառայութիւն ունեցող ուսուցիչները։ Ուսուցիչները գլխաւորեցին քոլէճին այժմու եւ ներկայի տնօրէնները՝ Վիգէն Աւագեան եւ Կարօ Յովհաննէսեան։ Որոտընդոստ ծափահարութիւններով սրահ վերջին մուտք գործողը եղաւ 1964-ի առաջին ուսուցչական կազմի անդամներէն, բազմավաստակ ուսուցչուհի Օլիվիա Պալեան։
Քոլէճին շրջանաւարտներէն Լուսին Տէմիրճեան հանդիսութեան բացումը կատարեց քոլէճին քայլերգով, որմէ ետք հայերէնով եւ արաբերէնով բարի գալուստի խօսքեր արտասանեցին քոլէճի շրջանաւարտներ Րաֆֆի Կէվօղլանեան եւ Մարիա Տաղլեան։ Անոնք նշեցին, որ 50 տարին կարճ ժամանակաշրջան մը չէ կրթական հաստատութեան մը համար, որ ամենայն նուիրումով սերունդներ հասցուցած է հայութեան եւ Լիբանանին։ Ազգային Լեւոն եւ Սոֆիա Յակոբեան քոլէճէն շրջանաւարտ 1200 տղաք ու աղջիկներ, անցնող տասնամեակներուն, հայ կեանքը հարստացուցած են իրենց յաջողութիւններով եւ նուաճումներով։ Իսկ այդ յաջողութիւններն ու նուաճումները շրջանաւարտները կը պարտին այն մարդոց, որոնք հոգի սպառեցին, շունչ հատնեցին եւ միտք մաշեցուցին, որպէսզի անոնք ըլլան այն ինչ որ են այսօր, ազնիւ մարդեր, տիպար քաղաքացիներ եւ լաւ հայեր։
Խօսք արտասանողները նշեցին, որ ուրախութիւնն ու պատիւը ունին տօնակատարելու բոլոր ուսուցչաց տօներէն տարբեր ուսուցչաց տօն մը։ «Այսօր, այստեղ ներկայ են 50-ամեայ Սոֆիա Յակոբեան քոլէճի մեծ ընտանիքին ներկայացուցիչները՝ մեր շատ սիրելի տնօրէնները, դաստիարակները, ուսուցիչները եւ դասընկեր¬դասընկերուհիները։ Բոլորս միացնողը քոլէճին 50-րդ տարեդարձն է։ Այսօր, տարիներ ետք, երբ կը վերյիշենք դպրոցական մեր տարիները, կարօտով կը փնտռենք մեր ուսուցիչները, մեր ականջներուն մէջ յաճախ կը հնչեն անոնց խրատներն ու թելադրանքները։ Կ’ուզենք վերագտնել զիրար, անգամ մը եւս ապրիլ անցեալի այդ գեղեցիկ օրերը, որոնք յիշատակ եւ պատմութիւն դարձած են այլեւս», հաստատեցին անոնք։
Հանդիսութեան գեղարուեստական յայտագիրը ամբողջութեամբ վստահուած էր Սոֆիա Յակոբեանականներու։ Այս առիթով, քոլէճին պարախումբը ներկայացուց երկու պար, որմէ ետք Լուսին Տէմիրճեան, Նժդեհ-Արցախ Պոտրումեան եւ Երուանդ Քէշիշեան հայ թէ օտար դասական երգերով ստեղծեցին գեղեցիկ մթնոլորտ։ Իր կարգին, Զաքար Քէշիշեան հանդէս եկաւ շուիով։
Յատուկ տեսերիզով հանդիսութեան իրենց ողջոյնի խօսքերը փոխանցեցին այժմ Մ. Նահանգներ հաստատուած քոլէճին վաստակաշատ տնօրէն Լեւոն Նահապետեան, նախկին ուսուցիչներ Ճորճիկ Ռաստկէլէնեան, Ռիթա Գասապեան-Գաբրիէլեան, Հայկազ Թրթռեան եւ Թեհրանի Հայոց Թեմի Առաջնորդ Սեպուհ Արք. Սարգիսեան։ Խանդավառուած մթնոլորտէն, իր սրտի խօսքը փոխանցեց ներկայ ամէնէն վաստակաշատ ուսուցիչը, քոլէճին 37 տարի ծառայած Ժոզէֆ Զուքին։
Խօսք առաւ տնօրէն Վիգէն Աւագեան եւ 50-ամեակի տօնակատարութիւններուն բացումը կատարելով՝ շնորհակալութեան եւ երախտագիտութեան խօսք յայտնեց Մեծի Տանն Կիլիկիոյ արժանընտիր գահակալ Ն.Ս.Օ.Տ.Տ. Արամ Ա. Կաթողիկոսին, որ իր բարձր հովանաւորութիւնը շնորհեց 50-ամեակի հանդիսութիւններուն եւ թեմի բարեջան Առաջնորդ Շահէ Եպս. Փանոսեանին, որուն նախագահութիւնը կը վայելեն հանդիսութիւնները։
Տնօրէն Վիգէն Աւագեան յայտնեց, որ Ազգային Լեւոն եւ Սոֆիա Յակոբեան քոլէճը մեր ժողովուրդին կը ներկայանայ 50-ամեայ հաշուեյարդարի պատուաբեր վաստակով, հպարտ ու բարձր ճակատով։ Արդարեւ, քոլէճը անցնող տասնամեակներուն մեր կեանքին տուաւ բազմատասնեակ ուսուցիչներ, մեծաթիւ տնօրէններ, մշակոյթի գործիչներ, ազգային կառոյցներու պատասխանատուներ, հանրային¬հասարակական կեանքի նուիրեալներ, բժիշկներ, ձեռներէց առեւտրականներ, այլ խօսքով՝ մեր ժողովուրդի տարբեր շերտերը ներկայացնող հայեր, ազգային նկարագիրով ու դիմագիծով մարդիկ, որոնք իրենց հոգեմտաւոր արժէքները կը պարտին այս Ազգային Լեւոն եւ Սոֆիա Յակոբեան քոլէճին։
Քոլէճին շրջանաւարտները,- շարունակեց տնօրէն Աւագեան,- կը կազմեն հսկայ ներուժ, ինչ որ կը հանդիսանայ մեր մեծագոյն հարստութիւնը, տասնապատիկ եւ հարիւրապատիկ անգամ աւելի արժէքաւոր՝ քան մեր ունեցած կրթական հաստատութիւններուն նիւթական արժէքը։ Նիւթը կը մաշի, կը փոշիանայ, կը փճանայ, սակայն մարդը իր կատարած գործով կը մնայ ու կ’անմահանայ։
Իր խօսքը ներկայ կրթական մշակներուն ուղղելով, տնօրէն Աւագեան յայտնեց. «Շէնքերը կարեւոր են կրթական գործին համար, սակայն անբաւարար են, որովհետեւ շէնքերուն ոգի եւ շունչ տուողը մարդն է, ուսուցիչը, մեր մեծագոյն արժէքը։ Ուսուցիչներ պատրաստած են մեր պատմութեան մեծագոյն դէմքերը։ Ուսուցիչներ դարբնած են մեր ճակատագիրն ու նկարագիրը։ Մենք կը հաւատանք, որ ուսուցիչներ կը կերտեն նաեւ մեր ներկան ու ապագան»։
Աւարտին, տնօրէն Վիգէն Աւագեան հրաւիրեց Առաջնորդ Շահէ Եպս. Փանոսեանը՝ կատարելու վաստակաշատ ուսուցիչներու պարգեւատրումը։ 30 ուսուցիչներ, 10-37 տարուան կրթական ծառայութեամբ, ստացան յատուկ յուշանուէրներ։ Պարգեւատրուեցան Մարալ Փանոսեան, Ռուլա Եունէս, Անի Մանուկեան, Ռիթա Օհաննէսեան, Մատլէն Վարդանեան, Լինա Նասրի, Նուհա Եամմին, Մելքոն Տէմիրճեան, Սիւզան Թազեան, Վաչէ Պուլղուրճեան, Ադամ Թազեան, Նաժլա Ատաս, Զեփիւռ Նէնէճեան, Վիգէն Տիշչէքէնեան, Օսան Մսըրլեան, Ռոպէր Քիւրտեան, Ժագլին Նաժժար, Յակոբ Հանտեան, Մայք Պօղոսեան, Լուիս Զէյտան, Յասմիկ Մուրատեան, Անդրանիկ Գրաճեան, Կարօ Յովհաննէսեան (տնօրէն 1987-2000), Վարուժ Չափարեան, Նմըր Սլէյման, Սամուէլ Պոյաճեան, Մինաս Փափազեան, Ժոզէֆ Գալուստեան, Ժոզէֆ Զուքի եւ Օլիվիա Պալեան։ Հանդիսութեան կազմակերպիչ 50-ամեակի շրջանաւարտից մարմինը, անակնկալ մը հրամցնելով, պարգեւատրեց նաեւ քոլէճի այժմու տնօրէն Վիգէն Աւագեանը, որ իբրեւ ուսուցիչ եւ տնօրէն 16 տարուան ծառայութիւն մը ունի քոլէճին։
Պարգեւատրումէն ետք խօսք առաւ Առաջնորդ Շահէ Եպս. Փանոսեան եւ իր գոհունակութիւնը յայտնեց Ազգային Լեւոն եւ Սոֆիա Յակոբեան Քոլէճին շուրջ բոլորուած շրջանաւարտներու լայն շրջանակին համար եւ մաղթեց, որ քոլէճին հանդէպ անոնց կապուածութիւնն ու սէրը մնան միշտ ամուր։ Առաջնորդը գնահատեց քոլէճին վաստակաշատ ուսուցիչները մեծարելու երեւոյթը եւ նշեց, որ մեծ են հայ ուսուցիչին դերն ու առաքելութիւնը մեր կեանքին մէջ։ Իր խօսքին աւարտին, Առաջնորդը յաջողութիւն մաղթեց 50-ամեակի հանդիսութիւններուն՝ քոլէճը միշտ վերելքի եւ յաջողութիւններու մէջ տեսնելու ակնկալութեամբ։
Պարգեւատրումին յաջորդեց 50-ամեակի կարկանդակին հատումը, որուն մասնակցեցան Առաջնորդ Սրբազանը, Ազգային իշխանութեան Ուսումնական Խորհուրդի ատենապետը, քոլէճին անցեալի եւ ներկայի տնօրէնները, վաստակաշատ ուսուցիչները եւ առաջին ու վերջին շրջանաւարտ սերունդներէն մէկական ներկայացուցիչներ։
Հանդիսութեան պաշտօնական բաժինի աւարտին, երեկոն շարունակուեցաւ սրտաբուխ խօսքերով, երգերով, հաճելի յիշատակներու ներկայացումով, ուսուցիչ-շրջանաւարտ ողջագուրումներով եւ յիշատակի նկարներով։

Անցնող շաբաթներուն քոլէճը ունեցաւ արտադպրոցական ձեռնարկներու լայն մասնակցութիւն։ Միջնակարգի աշակերտութիւնը ներկայ գտնուեցաւ Արցախեան մշակոյթի շաբթուան առիթով Լիբանան ժամանած Արցախի նոր սերունդի տաղանդներու աշակերտական ելոյթին։
Քոլէճին միջնակարգի եւ երկրորդականի աշակերտները երեք հանգրուանով իրենց մասնակցութիւնը բերին Մեծի Տանն Կիլիկիոյ Կաթողիկոսութեան «Խաչիկ Պապիկեան» հայագիտական մրցանքի մենակատարութեան, հայերէն լեզուի եւ հայոց պատմութեան մրցումներուն։
Միւս կողմէ, քոլէճին աշակերտները գեղարուեստական իրենց շնորհներով ծաղկեցուցին կանանց միջազգային օրուան նուիրուած ԼՕԽ¬ի ձեռնարկը եւ միջինքի առիթով Ք. Մանկանց եկեղեցւոյ տիկնանց մարմնին կազմակերպած հանդիպումը։

Հ.Յ.Դ. Լիբանանի Կեդրոնական Կոմիտէի ՋԱՀ (Ջաւախք¬Արցախ¬Հայաստան) յանձնախումբի կազմակերպութեամբ եւ լիբանանահայ վարժարաններու մէջ կատարուած ծառատնկումներու շարքին, Ուրբաթ, 28 Փետրուարի կէսօրին, քոլէճին մէջ տեղի ունեցաւ ծառատնկում՝ ի յիշատակ Արցախեան ազատամարտի նահատակ, քոլէճի շրջանաւարտ Մհեր Ջուլհաճեանի։
Այս առիթով իր արտասանած խօսքին մէջ, կազմակերպիչ յանձնախումբի անունով Յակոբ Գառնէշեան յայտնեց, որ Փետրուարը հայութեան համար յաղթանակներու ամիս է։ Փետրուարին կը նշուին Վարդանանցը, Փետրուարեան ապստամբութիւնը եւ Արցախեան պայքարի ծաւալումը։ Երեք իրադարձութիւններ, որոնք հայ ժողովուրդի «ո՛չ»ը կ’արտայայտեն տարբեր ժամանակներուն մեր ժողովուրդի հաւաքական կամքին բռնացող ուժերուն դէմ։
Գառնէշեան դիտել տուաւ, որ հայկական վարժարաններու մէջ կատարուած ծառատնկումին նպատակն է հայ աշակերտութեան մօտ վառ պահել հայութեան յաղթանակները կերտած հերոսներուն յիշատակը։
Այնուհետեւ, աշակերտներ հանդէս եկան գեղարուեստական պատշաճ յայտագիրով մը։ Անահիտ Նալպանտեան ներկայացուց Զաւէն Սիւրմէլեանի «Ասացուածք ծառ տնկելու առթիւ» բանաստեղծութիւնը, Գարօլին Կարապետեան ասմունքեց Մկրտիչ Պէշիկթաշլեանի «Քաջորդւոյն թաղումը», իսկ խումբ մը աշակերտներ երգեցին «Մարտիկի երգը» եւ «Լերան լանջին»։
Օրուան պատգամը փոխանցեց Ազգային Քառասնից Մանկանց Վարժարանի տնօրէն Յովիկ Պէրթիզլեան։ Ան ըսաւ, որ այսօրուան սերունդը բախտաւոր պէտք է զգայ ինքզինք, որովհետեւ ան կ’ապրի անկախ հայրենիքի գոյութեան պայմաններուն։ Համայնավար բռնատիրական կայսրութիւնը փուլ եկած է եւ մեր ժողովուրդը իր զաւակներու արեան գնով տիրացած է իր պատմական հայրենիքին մէկ մասին՝ Արցախին։ Այսօր ազատօրէն շնչող Արցախը ազատագրուած է եօթը հազար նահատակներու զոհաբերութեան գնով։ Այդ նահատակները մեզի կը թելադրեն շարունակել իրենց ուղին եւ ազատագրել հայութեան բռնագրաւեալ մնացեալ հողերը։
Նահատակները,¬ շարունկեց Պէրթիզլեան,¬ մէկ օրէն չեն հերոսանար եւ նահատակ դառնար։ Նահատակները կը պատրաստուին։ Անոնք կեանք մը ամբողջ կ’ապրին ազգային արժէքներով եւ հայ ժողովուրդի տեսլականներով։ Հետեւաբար, ան թելադրեց աշակերտութեան պատրաստուիլ հայութեան գալիք պայքարներուն, աննկուն կամքով, անխախտ հաւատքով եւ համազգային տեսլականներով։
Իր պատգամին աւարտին, Պէրթիզլեան յայտնեց, որ Արցախեան պայքարի նահատակներէն է քոլէճի շրջանաւարտ Մհեր Ջուլհաճեանը, որ հասակ առած է ազգային վարժարանի հայաշունչ մթնոլորտին մէջ եւ մինչեւ գերագոյն նուիրաբերումի հասած է մեծ անձնազոհութեամբ եւ խիզախութեամբ։ Հետեւաբար, քոլէճին մէջ իր յիշատակին բարձրացող ծառը մնայուն յուշարարը պիտի ըլլայ իր օրինակին եւ իր դաւանած ազգային անկորնչելի արժէքներուն։
Յովիկ Պէրթիզլեանի պատգամէն ետք, կատարուեցաւ ծառատնկումի արարողութիւն, որմէ ետք տնօրէնութիւն, ուսուցչիներ եւ աշակերտներ իրարմէ բաժնուեցան յիշատակի նկարով մը։

Ուրբաթ, 28 Փետրուարի երեկոյեան, քոլէճին Աշակերտական Խորհուրդին կազմակերպութեամբ, տեղի ունեցաւ Բարեկենդանի տօնախմբութիւն։
Քոլէճին հանդիսասրահը այդ օր ստացաւ տարբեր տեսք։ Երեկոյեան ժամը 8¬11, երեք ժամ շարունակ, ծպտուած տարազներով ներկայացած աշակերտներ հաճելի ու խանդավառ պահեր անցուցին երգերով, պարերով եւ հիւրասիրութեամբ։
Տօնախմբութեան ընթացքին տեղի ունեցաւ լաւագոյն ծպտուողներու ներկայացում։
Երեկոն անցաւ մեծ յաջողութեամբ։ Աշակերտներ իրարմէ բաժնուեցան անմոռանալի յիշատակներով եւ ուրախ տրամադրութիւններով։

Կրթական 2013¬2014 տարեշրջանի կիսուն, Չորեքշաբթի, 26 Մարտի յետմիջօրէի ժամը 5¬ին, քոլէճը կատարեց ծնողական իր երրորդ ժողովը, որուն ներկայ գտնուեցան աւելի քան 150 ծնողներ։
Ժողովին սկիզբը, 9¬րդ եւ 12¬րդ դասարաններու աշակերտները իրենց ծնողներուն հետ բարձրացան դասարաններ եւ առանձին հանդիպումներ ունեցան դասաւանդ ուսուցիչներու հետ՝ միասնաբար արժեւորելու համար տարեշրջանի երկու փորձ¬քննութիւններու արդիւնքները։
Ծնողական ժողովին առաջին բաժնով, Քրիստին Տէր Սարգիսեան ներկայ ծնողներուն խօսեցաւ «Ի՞նչպէս յանձնառու զաւակներ ունենալ» նիւթին մասին։ Տէր Սարգիսեան փաուըր փոյնթի ընկերակցութեամբ փոխանցեց կարգ մը տեղեկութիւններ եւ ծնողներուն առօրեային օգտակար հանդիսացող թելադրանքներ։
Ապա, տնօրէն Վիգէն Աւագեան կատարեց Յունուար եւ Փետրուար ամիսներու քոլէճին 12 դասարաններու «Տիպար աշակերտ»ներու պարգեւատրումները, որմէ ետք ան կատարեց քոլէճին վարչական աշխատանքները դիւրացնող շարք մը յայտարարութիւններ։
Ժողովին աւարտին, ծնողներ դաստիարակներուն մօտենալով ստանձնեցին իրենց աշակերտներուն վիճակացոյցները։

Յաջորդաբար չորրորդ տարին ըլլալով, 21 Փետրուարին, ,Մայրենի լեզուի օրեուան առիթով, Ազգային Լեւոն եւ Սոֆիա Յակոբեան քոլէճը պատշաճ հանդիսութեամբ մը տօնեց մեր Մեծասքանչին տօնը։ Տօնակատարութիւնը պսակումը եղաւ ամբողջ ամսուան վրայ երկարած հայագիտական մրցանքներու շարքի մը, որուն ընթացքին, քոլէճին միջնակարգի եւ երկրորդականի աշակերտները մասնակցեցան ,Ճիշդ հնչենքեի, լեզուական աշխատանքի, շարադրութեան, արտասանութեան եւ բանաւոր խօսքի մրցումներու, որոնց յաղթականները պարգեւատրուեցան այս առիթով։
,Մայրենի լեզուի օրեուան տօնակատարութիւնը տեղի ունեցաւ քոլէճին հանդիսասրահին մէջ, ներկայութեամբ օրուան պատգամաբեր՝ Սարգիս Կիրակոսեանի եւ հիւրաբար քոլէճ այցելող, հայրենի գեղանկարիչ Գարլոս Սայաթեանի։
Լիբանանի եւ Հայաստանի քայլերգներուն ունկնդրութենէն ետք, բացման խօսքով հանդէս եկաւ Մհեր Գաբլանեան եւ անդրադարձաւ հայ լեզուի կարեւորութեան, որպէս հայապահպանման զէնք։ Ան նշեց, որ հայ լեզուն եղած է հայ մարդուն ոգեղէն հայրենիքը, որով ան սնած, աճած ու մեծցած է, հայացած ու ազգ դարձած։ ,Եթէ հայ ենք, հաւատարիմ ըլլանք մեր լեզուին, մեր ուժը, մեր սէրը եւ ապագան թող ըլլան մեր լեզուին մէջե, շեշտեց Գաբլանեան։
Օրուան գեղարուեստական յայտագիրը ընդգրկեց արտասանութիւններ եւ դաշնամուրի վրայ նուագներ։ Յաջորդաբար արտասանեցին Արա Թորոսեան (,Ահաւոր բան մը կայ այնտեղե), Գարօլին Կարապետեան (,Բացառութիւնե), Գէորգ Եագուպեան (,Ուխտ ծննդեանե), Դրօ Միրզայեան (,Ես երգելով կ’ուզեմ մեռնիլե) եւ Նաթալի Քելխաչերեան (,Որբերուն ծեռքերըե)։ Նուագով հանդէս եկան Մարթա Չորպաճեան եւ Նենսի Սոլաքեան։
Ապա, տնօրէն Վիգէն Աւագեան ողջունեց հիւրերը եւ ներկայացուց ,Ճանչնանք մեր լեզունե մրցանքներու շարքը, որ չորրորդ տարին ըլլալով կ’իրագործուի քոլէճին մէջ։ Ան ծանօթացուց նաեւ օրուան պատգամախօս, Մեծի Տանն Կիլիկիոյ Կաթողիկոսութեան հայագիտական բաժնի վարիչ, գրագէտ եւ բանաստեղծ Սարգիս Կիրակոսեանը եւ հրաւիրեց փոխանցելու իր պատգամը։
Սարգիս Կիրակոսեան հայ լեզուի մասին մեր մատենագիրներու եւ բանաստեղծներու գեղեցկագոյն արտայայտութիւնները վկայակոչելով դիտել տուաւ, որ Մեսրոպակերտ հայ լեզուն ո՛չ միայն հաղորդակցութեան պարզ գործիք մը չէ, այլեւ՝ մեր ինքնութեան աղբիւրը, հայ մշակոյթի առանցքը, հայ հաւատքի պահապանը եւ հայ ժողովուրդի անմահութեան յաւերժական աղբիւրն է։
Շարունակելով, Սարգիս Կիրակոսեան ընդգծեց, որ լեզուն մեր հայրենիքն է։ Մենք լեզու¬հայրենիքին մէջ կանք, եղած ենք եւ հայ գիրով փրկուած։ Լեզուն ազգին ծնողն է եւ ծննդավայրը։ Մեր հաւաքական յիշողութիւնը, օրհնութեան ու անէծքին շտեմարանը։ Մեր հոգեւոր հայրենիքն է լեզուն։
Իր պատգամին աւարտին, Սարգիս Կիրակոսեան կատարեց մրցանակակիր աշակերտներու մրցանակաբաշխութիւն։ Քոլէճին միջնակարգի եւ երկրորդականի բաժիններէն մրցանակներու արժանացան 11 աշակերտներ.¬ Մհեր Գաբլանեան, Նաթալի Քելխաչերեան, Քրիստ Արթինեան, Արա Թորոսեան, Արշօ Ինճէեան, Անժելինա Սարգիսեան, Դրօ Միրզայեան, Սինթիա Դաւիթեան, Նարեկ Շառոյեան, Գէորգ Եագուպեան եւ Լիլիթ Գայապալեան։
Այս առիթով, իր սրտի խօսքը փոխանցեց նաեւ հայրենի գեղանկարիչ Գարլոս Սայաթեան։ Ան ըսաւ, որ լեզուն ամէնէն առաջ մտածողութիւն է եւ մեր օրերու մեծագոյն վտանգը մեր լեզուամտածողութեան սպառնացող վտանգն է։ Պէտք է պահել այդ լեզուամտածողութիւնը հայերէն ստեղծագործելու, հայօրէն մտածելու եւ ապրելու համար։
Հուսկ, տօնակատարութիւնը փակուեցաւ քոլէճին քայլերգով։

Հայկական վարժարաններէ ներս իր կատարած ցուցադրութիւն¬վաճառքներու շարքին, Համազգայինի գրատարածը այցելեց նաեւ քոլէճ եւ օր մը ամբողջ կատարեց մանկապատանեկան գիրքերու ցուցադրութիւն¬վաճառք։

ԼԵՎԱՄ¬ի ճատրակի այս տարուան մրցումներուն քոլէճը իր մասնակցութիւնը բերաւ 12 աշակերտ¬աշակերտուհիներով, որոնցմէ հինգը յաջողեցան մրցանակներու տիրանալ տարիքային իրենց դասակարգերուն մէջ։
Այսպէս, մրցանակներու արժանացան՝
¬ Սեդրակ Հաճեան՝ առաջին (20 տարեկանէն վար տղաք)
¬ Միրէյ Թաշճեան՝ առաջին (16 տարեկանէն վար աղջիկներ)
¬ Ռիթա Ուլիկեան՝ երկրորդ (18 տարեկանէն վար աղջիկներ)
¬ Նանօր Այնթապլեան՝ երրորդ (14 տարեկանէն վար աղջիկներ)
¬ Սարին Շատոյեան՝ երրորդ (16 տարեկանէն վար աղջիկներ)

ՖՈՒԹՊՈԼԻ ՄՐՑՈՒՄՆԵՐՈՒ
ՄԱՍՆԱԿՑՈՒԹԻՒՆ
Քոլէճը իր մասնակցութիւնը բերաւ նաեւ ԼԵՎԱՄ¬ի մեծ ֆութպոլի մրցումներուն եւ Ա. հանգրուանի աւարտին դուրս մնաց, տեղի տալէ ետք Ճեմարանի (3¬6) եւ Եղիշէ Մանուկեանի (1¬1 հաւասարութենէ ետք՝ 2¬3 փենալթիներով) խումբերուն դէմ։

«Cheese and wine»¬ի երեկոն քոլէճին խնամակալութեան տարեկան սպասուած ձեռնարկներէն մէկն է, որ հայկական աւանդական խանդավառ մթնոլորտի մէջ, իրարու մօտ կը համախմբէ Սոֆիա Յակոբեանի բարեկամները, ուսուցիչներն ու ծնողները, միասնաբար զուարճանալու եւ քոլէճին նիւթաբարոյական աջակցութիւն ապահովելու համար։

Այս տարի, «cheese and wine»¬ի երեկոն տեղի ունեցաւ Շաբաթ, 25 Յունուարին։ Աւելի քան 150 ներկաներ այդ երեկոյ ուրախ պահեր անցուցին գեղարուեստական հաճելի յայտագրով եւ քարաոքէ երգերով։

Երեկոյին բացումը կատարեց եւ ներկաները ողջունեց քոլէճին խնամակալութեան անդամներէն Տիգրան Գալուստեան։ Ապա, երեկոն իր սաքսոֆոնով ջերմացուց Րաֆֆի Թորոսեան։ Հայ երգարուեստի դասական կտորները մատուցելով, Թորոսեան ստեղծեց մտերմիկ ջերմ մթնոլորտ։ Ապա, երեկոն իր ձեռնադաշնակով խանդավառեց Սիմոն Կոստանդինեան։ Սեղաններու շուրջ դառնալով եւ սեղանակիցները երգի մղելով, Կոստանդինեան յաջողեցաւ ներկաներուն տրամադրութիւնները բարձրացնել եւ խանդավառութեան գագաթնակէտին հասցնել։

Յաջորդեց քարաոքէ երգերու բաժինը։ Ներկաները մեծ պաստառի վրայ ներկայացուած երգերու բառերուն հետեւելով երգեցին հայերէն, արաբերէն եւ ֆրանսերէն երգեր։

Երեկոյին ընթացքին խօսք առաւ տնօրէն Վիգէն Աւագեան եւ յիշեցուց, որ 2014¬ը կը նշէ քոլէճի հիմնադրութեան 50¬ամեակը։ Ան խօսեցաւ 50¬ամեակի ծրագիրներուն մասին եւ իբրեւ պատգամ շեշտը դրաւ հաւատարմութեան սկզբունքին վրայ։ 50 տարի հաւատարմութիւն քոլէճի նշանաբանին՝ «Աշխատանքը կ’ազնուացնէ» սկզբունքին, 50 տարի հաւատարմութիւն քոլէճին ջամբած ազգային¬բարոյական արժէքներուն, հաւատարմութիւն հայ եկեղեցւոյ, դպրոցին, մշակոյթին եւ դատին, առանց որոնց մենք կ’այլասերինք ու կը նահանջենք։ Իր խօսքին մէջ, տնօրէն Աւագեան ողջունեց նաեւ քոլէճին տարեկան «cheese and wine»¬ի ձեռնարկները տարիներէ ի վեր հաւատարմօրէն քաջալերող ազգայինները եւ ներկայ ուսուցչական կազմը, որուն անդամներէն շատերը 20¬25 տարուան հաւատարիմ ծառայութիւն ունին քոլէճին։

Տնօրէն Վիգէն Աւագեանի խօսքէն ետք, երեկոն շարունակուեցաւ քարաոքէ երգերով եւ վիճակահանութեամբ։ Մթնոլորտէն խանդավառուած՝ կատարուեցան սրտաբուխ նուիրատուութիւններ։

Ներկաները երեկոյեան ուշ ժամերուն սրահէն բաժնուեցաւ գոհունակ տրամադրութիւններով։

Ուր ախութեամբ կը յայտարարենք, որ բարձր հովանաւորութեամբ Մեծի Տանն Կիլիկիոյ Արամ Ա. Կաթողիկոսին, Ազգային Լեւոն եւ Սոֆիա Յակոբեան Քոլէճը 2014-ին մեծաշուք հանդիսութիւններով կը նշէ իր հիմնադրութեան 50-ամեայ յոբելեանը։

Յոբելենական հանդիսութիւններուն կը նախագահէ Լիբանանի Հայոց Թեմի Բարեջան Առաջնորդ Շահէ Եպս. Փանոսեան։ Այս նպատակին համար յառաջացած է յոբելենական յատուկ մարմին մը, որուն հովանիին տակ կը գործեն երկու այլ մարմիններ՝ 50-ամեակի գործադիր մարմինը եւ 50-ամեակի շրջանաւարտից մարմինը։

Ազգային Լեւոն եւ Սոֆիա Յակոբեան Քոլէճի 50-ամեակի յոբելենական մարմնին մաս կը կազմեն՝
- Վրէժ Սապունճեան
- Փանոս Մանճեան
- Անդրանիկ Մսըրլեան
- Գառնիկ Մկրտիչեան
- Ժան Մոմճեան
- Լեւոն Ջննոզեան
- Րաֆֆի Ուրֆալեան (Մ. Նահանգներ)
- Անդրանիկ Անտոնեան (Մ. Նահանգներ)
- Վարուժան Քէօսէեան (Մ. Նահանգներ, Հայ Կրթական Հիմնարկութեան ներկայացուցիչ)

Յոբելենական ձեռնարկները կ’երկարին ամբողջ տարուան վրայ եւ տեղի կ’ունենան Լիբանանի եւ տարբեր գաղութներու մէջ, հոն ուր մեծ թիւով նախկին Սոֆիա Յակոբեանականներ կան։

Ծրագրի վրայ են քոլէճի վաստակաշատ ուսուցիչներու յարգանքի երեկոյ, 50-ամեակի յուշամատեանի հրատարակութիւն, վաւերագրական տեսերիզի պատրաստութիւն, նախկին եւ ներկայ Սոֆիա Յակոբեանականներու մշակութային գեղարուեստական հանդիսութիւն եւ յոբելենական ճաշկերոյթ։

ՏՆՕՐԷՆՈՒԹԻՒՆ ԵՒ ԽՆԱՄԱԿԱԼՈՒԹԻՒՆ
ԱԶԳ. Լ. ԵՒ Ս. ՅԱԿՈԲԵԱՆ ՔՈԼԷՃԻ

Յունուարին, քոլէճին երկրորդականի աշակերտները առիթը ունեցան նաեւ ներկայ գտնուելու Համազգայինի Լիբանանի Շրջանային Վարչութեան հրաւէրով Լիբանան գտնուող Նարեկ Տուրեանի կատակերգական թատերախաղին՝ «Մօրաքոյրը Փարիզէն»։

Աւելի մէկ մէկուկէս ժամ աշակերտներ Տուրեանի եւ վարպետ դերասաններուն հետ ապրեցան լիաթոք խնդուքի պահեր, պահ մը դուրս գալով դասերու ամէնօրեայ ճնշիչ մթնոլորտէն։

Երկուշաբթի, 27 Յունուարի առաւօտեան, քոլէճին ԺԱ., ԺԲ., BT2 եւ BT3 դասարաններու աշակերտները, իրենց պատասխանատու ուսուցիչներուն ընկերակցութեամբ, այցելեցին Հայ Կաթողիկէ Համալսարանականներու Միութեան համալսարանական կողմնորոշման տարեկան ցուցահանդէսը, որ այս տեղի կ’ունենար Զալքայի Ս. Խաչ եկեղեցւոյ «Պետօղլեան» սրահը։

Աշակերտներ շրջեցան ցուցահանդէսին ներկայացուած տաղաւարները եւ մօտէն ծանօթացան լիբանանեան հանրածանօթ համալսարաններու մուտքի պայմաններուն, մասնագիտութիւններուն եւ կրթանպաստի կարելիութիւններուն։

Ուրբաթ, 24 Յունուարի առաւօտեան ժամը 10.30ին, քոլէճին երկրորդականի աշակերտները ներկայ գտնուեցան Պարէտ Մարոնեանի «Ցեղասպանութեան որբերը» («Օրֆընզ աֆ տը ճենոսայտ») ժապաւէնին աշակերտական ցուցադրութեան, որ տեղի ունեցաւ Հայ Դատի Լիբանանի մարմնին նախաձեռնութեամբ, «Յակոբ Տէր Մելքոնեան» թատերասրահին մէջ։

Ցուցադրութեան աւարտին, աշակերտներ իրենց տպաւորութիւններն ու գնահատանքի խօսքերը փոխանցեցին բեմադրիչ Պարէտ Մարոնեանին եւ յիշատակի նկարով մը բաժնուեցան անկէ։

Տարիներու սովորութեան համաձայն, այս տարի եւս քոլէճը իր մասնակցութիւնը բերաւ ծերերու ի պատիւ լիբանանահայ միջ¬բարեսիրական միութիւններու հաւաքոյթին, որ տեղի ունեցաւ Ազգային Առաջնորդարանի «Երջօ Սամուէլեան» սրահին մէջ։

Հաւաքոյթին գեղարուեստական յայտագրին քոլէճը իր մասնակցութիւնը բերաւ հայերէն եւ յունարէն պարերով։ Պարուսոյց Նանօր Քէլէշեանի հետ, քոլէճին 30 հոգինոց պարախումբը յաջողեցաւ ծերերու մօտ ստեղծել խանդավառ մթնոլորտ։

2013¬ի հրաժեշտը եւ 2014¬ի դիմաւորումը քոլէճին մէջ տեղի ունեցաւ շարք մը ձեռնարկներով, որոնք տօնական ուրախ մթնոլորտ ստեղծեցին բոլորին մօտ։

ԿՐԿԷՍ ԱՅՑԵԼՈՒԹԻՒՆ

Տօնական օրերու նախօրեակին, Հինգշաբթի, 19 Դեկտեմբերին, «Ժպիտ» ընկերակցութեան հրաւէրով, քոլէճին 7¬րդ եւ 8¬րդդասարաններու աշակերտները այցելեցին կրկէս եւ մէկուկէս ժամ հաճելի ու զուարթ պահեր անցուցին դասերու առօրեայէն հեռու։

ՏՕՆԱԿԱՆ ՍԵՂԱՆԻՆ ՇՈՒՐՋ

Երկուշաբթի, 23 Դեկտեմբերի կէսօրին, տօնական սեղանիշուրջ բոլորուած, 2014 տարին միասնաբար ողջունեցին քոլէճին տնօրէնութիւնը, խնամակալութիւնը, տիկնանց յանձնախումբը եւ ուսուցչական կազմը։ «Նոյ» ճաշարանին մէջ հաւաքուած, աւելի քան երկու ժամ, ներկաները ուրախ տրամադրութիւններով հրաժեշտ տուին 2013¬ին, յուսալով որ 2014¬ը յաջողութիւն, առողջութիւն եւ երջանկութիւն պարգեւէ բոլորին։
Տօնական սեղանին շուրջ ուսուցիչներ երգեցին, արտասանեցին եւ բարեմաղթութիւններ փոխանակեցին։Այս առթիւ իր սրտի խօսքը փոխանցեց տնօրէն Վիգէն Աւագեան՝ շեշտըդնելով միշտ միասին ըլլալու, միասնաբար գործելու եւ միասնաբար քոլէճին վերելքին ու զարգացման նուիրու ել ու անհրաժեշտութեան վրայ։
Տեղի ունեցաւ վիճակահանութեան վաճառք եւ վիճակաձգութիւն։ Օրուան բախտաւորները շահեցան արժէքաւոր նուէրներ։

ԵՐԵԿՈՅԵԱՆ ԽՐԱԽՃԱՆՔ

Նոյ նօրը, երեկոյեան, քոլէճին հանդիսասրահին մէջ տեղի ունեցաւ քոլէճի բարձր կարգերու աշակերտութեան Նոր Տարուան խրախճանքը, կազմակերպութեամբ՝ քոլէճին Աշակերտական Խորհուրդին։
Խրախճանքը ընդգրկեց երգ ու պար, վիճակահանութիւն եւ հիւրասիրութիւն։

ԲԱԶՄԱՄՇԱԿՈՒԹԱՅԻՆ ՕՐ ԵՒ ԳԵՂՈՒՀԻԻ ԸՆՏՐՈՒԹԻՒՆ

Երեքշաբթի, 24 Դեկտեմբերին, քոլէճին աշակերտութիւնը հաւաքաբարնշեց Նոր Տարին։ Առաւօտեան, բոլորը այցելեցին Նոր Մարաշի Ս. Քառասնից Մանկանց եկեղեցի եւ Ս. Հաղորդութիւն ստանալէ ետք՝ հոգեպէս վերանորոգուած վերադարձան քոլէճ, ուր պատրաստուեցան բազմամշակութային օրուան։
Բազմամշակութային օրը նորութիւն մը եղաւ աշակերտութեան համար։Արդարեւ, 15 երկիրներներկայացնող 15 աշակերտուհիներ, իւրաքանչիւրը տուեալ երկրի տարազով, ներկայացան բեմ, երգեցին ու պարեցին, ընտրելու համար ամէնէն գեղեցիկ ուշնորհալի Սոֆիա Յակոբեանականը։ Այսպէս, երկու ժամուան ընթացքին, աշակերտութեան իրենց շնորհները ներկայացուցին Իտալիոյ, Հայաստանի, Հնդկաստանի, Արեւմտեան Մ. Նահանգներու, Արեւելեան Մ. Նահանգներու, Սուրիոյ, Չինաստանի, Ֆրանսայի, Ռուսիոյ, Սպանիոյ, Պրազիլի, Գերմանիոյ, Վենեզուելլայի, ՍրիԼանքայի եւ Ճափոնի ներկայացուցիչները։ Զոյգ դատական կազմեր, մէկը բաղկացած ուսուցիչներէ, իսկ երկրորդը՝ աշակերտներէ, կատարեցին նախնական զտում մը եւ 15 մասնակիցներէ առաջին հերթին ընտրեցին 6 ներկայացուցիչներ (Ճափոն, Հայաստան, Սրի Լանքա, Պրազիլ, Ռուսիա, Սպանիա), որոնց հարցուցին խելացութեան եւ ընդհանուր զարգացման հարցումներ։ Պատասխաններու լոյսին տակ, օրուան բախտաւորը հռչակուեցաւ եւ Սոֆիա Յակոբեանի գեղուհիի տիտղոսին արժանացաւ Հայաստանը ներկայացնող Նենսի Սոլաքեանը։
Սոլաքեան պարգեւատրուեցաւ յատուկ թագով եւ ծաղկեփունջով: Պարգեւատրման մասնակցեցաւ օրուան հիւրը՝ կաղանդ պապան, որուն ներկայութիւնը տօնականմ թնոլորտ սփռեց չորս կողմ։
Ձեռնարկը վերջ գտաւ մեծ խանդավառութեամբ։ Բոլորը արձակուրդի մեկնեցան գեղեցիկ յիշատակներով, Նոր Տարին նոր եւ բարձր տրամադրութիւններով սկսելու բարեմաղթութիւններով։

Չորեքշաբթի, 18 Դեկտեմբերին, քոլէճին հանդիսասրահին մէջ տեղի ունեցաւ տիկնանց յանձնախումբի ծնողական հաւաքոյթը, ներկայութեամբ 150 տիկիններու եւ բարեկամուհիներու։

Հաւաքոյթին բացումը կատարեց եւ ներկաները ողջունեց տիկնանց յանձնախումբի անդամներէն Ռիթա Չարեան։ Ապա, ծաղիկներու տեսակներուն եւ խնամքին մասին օգտակար նիւթ մը ներկայացուց օրուան հիւրը՝ տիկ. Մարլէն Տանակէօզեան։ Ներկայ տիկինները մեծ հետաքրքրութեամբ հետեւեցան նիւթին եւ իրենց հարցումներով յաւելեալ լուսաբանութիւններ ստացան ծաղիկներու չքնաղաշխարհին մասին։

Գեղարուեստական յայտագիրով, քոլէճին երգչախումբը ներկայացուց Ամանորի եւ Ս. Ծննդեան նուիրուած շարք մը երգեր ։Այնուհետեւ, ժամանեցին կաղանդպապաները, որոնք տօնական օրերու կարկանդակներով ուրախացուցին ներկայ ծնողները։ Տեղի ունեցաւ վիճակահանութեան վաճառք եւ վիճակաձգութիւն։ Մթնոլորտէն խանդավառուած՝ կատարուեցան նաեւ նուիրատուութիւններ։

Հաւաքոյթը վերջ գտաւ կէսօրուան ժամը 1.30¬ին, խանդավառ եւ գոհունակ տրամադրութիւններով։

Երեքշաբթի, 17 Դեկտեմբերին տեղի ունեցաւ 2013¬2014 տարեշրջանի ծնողական երկրորդ ժողովը, որ յատկացուեցաւ կրթական Ա. Երկամիսի արդիւնքներու գնահատման եւ վիճակացոյցներու բաշխման։

Ժողովին սկիզբը, տնօրէն Վիգէն Աւագեան յատուկ գնահատագիրներով պատուեց քոլէճին 12 դասարաններու Հոկտեմբեր եւ Նոյեմբեր ամսուան տիպար աշակերտները։ Ապա, ան ներկայացուց քոլէճին կրթական, մանկավարժական ու վարչական կեանքը դիւրացնող շարք մը թելադրանքներ։

Իր խօսքին մէջ, տնօրէն Վիգէն Աւագեան անդրադարձաւ նաեւ քոլէճի 50 ամեակի ծրագիրներուն եւ այդ գծով ծնողներու կապուած ակնկալութիւններուն։
Տնօրէնին խօսքէն ետք, ներկայ ծնողները մօտեցան դաստիարակներուն եւ ստանձնեցին իրենց զաւակներուն վիճակացոյցները։ Շատ երհանդիպեցան նաեւ դասաւանդ ուսուցիչներու եւ անոնց հետ օգտակար զրոյցներուն իրենց զաւակներու կրթական իրավիճակին շուրջ։

Ազգային վարժարաններ իր անդրանիկ այցելութեան ծիրէն ներս, Երկուշաբթի, 16 Դեկտեմբերի առաւօտեան, Լիբանանի Հայոց Թեմի Առաջնորդ Շահէ Եպս. Փանոսեան այցելեց Ազգ. Լեւոն եւ Սոֆիա Յակոբեան Քոլէճ, ընկերակցութեամբ Ազգային Ուսումնական Խորհուրդի ատենապետ Յակոբ Եագուպեանի եւ Ուսումնական Խորհուրդի գործավար Մարալ Անդոյեանի։

Քոլէճին մուտքին, Առաջնորդը դիմաւորուեցաւ քոլէճին տնօրէնութեան, խնամակալութեան, տիկնանց յանձնախումբին եւ երկրորդականի աշակերտութեան կողմէ։ Տեղի ունեցաւ աւանդական աղ ու հացի օրհնութիւն, որմէ ետք Առաջնորդը առաջնորդուեցաւ տեսչարան, ուր առիթը ունեցաւ մօտէն ծանօթանալու կրթական հաստատութեան այսօրուան իրավիճակին եւ ծրագիրներուն։

Ապա, քոլէճին հանդիսասրահին մէջ կազմակերպուած հանդիսութեան մը ընթացքին, քոլէճի տնօրէն Վիգէն Աւագեան Ազգ. Լեւոն եւ Սոֆիա Յակոբեան Քոլէճի մեծ ընտանիքին անունով ողջունեց Առաջնորդին այցելութիւնը՝ մաղթելով որ օրհնաբեր եւ արդիւնաբեր այս այցելութիւնը նոր սկիզբ մը նշէ կրթական այս հաստատութեան վերելքին եւ զարգացման մէջ։

Քոլէճի անցնող 50 տարուան վաստակին մասին խօսելով, տնօրէն Վիգէն Աւագեան յայտնեց, որ Ազգ. Լեւոն եւ Սոֆիա Յակոբեան Քոլէճը, ինչպէս անցեալին, այսօր եւս մեր գաղութին արիւնատար երակներէն մէկն է։ Ան տեւական երիտասարդ ու յանձնառու մարդուժ կը հայթայթէ մեր կառոյցներուն եւ ազգային հաստատութիւններուն։ Քոլէճը իր յաջողութիւններուն համար շատ բան կը պարտի Լիբանանի Թեմի յաջորդական Առաջնորդներուն, որոնք միշտ ալ յատուկ ուշադրութեան արժանի նկատած են զայն, իբրեւ Պուրճ Համուտի Ազգային միակ երկրորդական վարժարան։

Տնօրէն Վիգէն Աւագեանի խօսքէն ետք, աշակերտներ Առաջնորդին իրենց երախտիքն ու գոհունակութիւնը յայտնեցին գեղարուեստական պատշաճ յայտագիրով։ Նաթալի Քելխաչերեան ասմունքեց Դանիէլ Վարուժանի «Հա՛յր, օրհնէ՜...»ն, Դրօ Միրզայեան երգեց «Հայր իմ մանկուց», Ռիթա Կրակեան արտասանեց Ժագ Ս. Յակոբեանի «Քիչ ենք»ը, Նենսի Սոլաքեան ներկայացուց մենապար մը («Ղարաբաղի եղնիկ»), իսկ Անժելինա Սարգիսեան արտասանեց Համաստեղի «Հայու ոգին»։

Այնուհետեւ, հայրական իր պատգամը տալու հրաւիրուեցաւ Առաջնորդ Շահէ Եպս. Փանոսեան։

Առաջնորդը յայտնեց, որ անցնող մէկ ամսուան ընթացքին ան առիթը ունեցած է ծանօթանալու գաղութի երէց սերունդին, այսօր հասած է պահը ծանօթանալու կրտսեր սերունդին, որ մեր վաղուան երաշխիքն է։ Այսօր գիտութիւն եւ կրթութիւն ամբարող մատղաշ սերունդը վաղը պիտի առաջնորդէ մեր կեանքը եւ ինք պիտի ըլլայ պատասխանատու դիրքերու վրայ։

Իր պատգամին մէջ Առաջնորդը նշեց, որ պատահական չէ Ազգային վարժարաններ այցելութեան շարքը Լեւոն եւ Սոֆիա Յակոբեան Քոլէճէն սկսիլը, որովհետեւ քոլէճը լիբանանահայութեան սրտին՝ Պուրճ Համուտի մէջ գտնուելով ունի իւրայատուկ նկարագիր եւ մթնոլորտ, որուն պերճախօս արտայայտութիւնը կը հանդիսանայ օրուան գեղարուեստական յայտագիրը։ Այս առաջին այցելութիւնն է, յառաջիկային պիտի կատարուին յաւելեալ այցելութիւններ՝ աշակերտութեան հետ կենդանի շփման մէջ մտնելու եւ նոր սերունդի մտահոգութիւններուն եւ սպասումներուն մօտէն ծանօթանալու համար, եզրափակեց Առաջնորդ Սրբազանը։

Աւարտին, Առաջնորդը աշակերտութեան հրաժեշտ տուաւ կրթական կեանքի նորանոր յաջողութիւններու ակնկալութեամբ։

Ազգային Լեւոն եւ Սոֆիա Յակոբեան Քոլէճի 50-ամեակի տօնակատարութիւններու պատրաստութեան ծիրէն ներս, Դեկտեմբերին, տեղի ունեցան նախկին Սոֆիա Յակոբեանականներու երեք հանդիպումներ, որոնք յաջորդաբար համախմբեցին քոլէճին 1968-1985, 1986¬2000 եւ 2001¬2013 տարիներու 150 շրջանաւարտներ։

Հանդիպումներուն ընթացքին տեսերիզով ցուցադրուեցան 50-ամեակի առիթով քոլէճին վաստակաւոր ուսուցիչներուն սրտի խօսքերը՝ ուղղուած իրենց երբեմնի աշակերտներուն։ Իր կարգին, տնօրէնութիւնը շրջանաւարտներուն փոխանցեց 50-ամեակի ծրագիրները (յուշամատեանի եւ տեսերիզներու պատրաստութիւն, գեղարուեստական երեկոյ, յոբելենական ճաշկերոյթ):

Նշուեցաւ, որ յաջորդ հանդիպումը 6 Մարտ 2014-ին, ուսուցչաց օրուան առիթով պիտի համախմբէ քոլէճին բոլոր շրջանաւարտները եւ անցեալի ուսուցիչները յիշատակելի հանդիպումի մը ընթացքին։

Հանդիպումներու աւարտին, հիւրասիրութեան սեղաններու շուրջ բոլորուած շրջանաւարտները աշակերտական օրերու տպաւորութիւններ փոխանցեցին եւ անցեալի քաղցր յիշատակներվ կայակոչեցին։

Կիրակի, 1 Դեկտեմբերին, ԼԵՎԱՄ-ի խաղերը ընթացք առին մինի մարաթոնի մրցումով, որուն իրենց մասնակցութիւնը բերին քոլէճէն 8 աշակերտներ։
3 քլմ. երկարութեամբ մրցումի աւարտին, քոլէճին 2 արծաթ եւ 1 պրոնզ մետալներ ապահովեցին Սեդրակ Կարապետեան (1995-ի ծնունդներ), Նարեկ Ասլանեան եւ Կարօ Շատոյեան (1996-1998-ի ծնունդներ)։

15 Նոյեմբերին, քոլէճին երկրորդականի խումբ մը աշակերտներ, հայերէնի իրենց դասատու տիկ. Մատլէն Վարդանեանի հետ այցելեցին գրագիտուհի Շահանդուխտի եւ յիշատակելի երկու ժամ անցուցին անոր հետ։

Այցելութեան շարժառիթը քոլէճի տնօրէնութեան մրցանակն էր, որ տրուած էր Թարգմանչաց զարգացման մրցումին առաջին հանդիսացող խմբակին։ Խմբակի 5 անդամներուն կ’ընկերանային 10 այլ դասընկերներ քոլէճին Ժ. եւ ԺԱ. դասարաններէն։

Շահանդուխտի այցելելով, աշակերտներ գրագիտուհիին արտասանեցին անոր բանաստեղծութիւններէն կտորներ։ Ապա, հարցումներու շարքով մը ծանօթացան Շահանդուխտի ստեղծագործական աշխարհին, գլխաւոր գործերուն եւ ներշնչման աղբիւրներուն։

Քոլէճին 50-ամեակի տօնակատարութիւններու պատրաստութեան ծիրէն ներս, Չորեքշաբթի, 27 Նոյեմբերի երեկոյեան տեղի ունեցաւ նախկին Սոֆիա Յակոբեանականներու առաջին հանդիպումը, յատկացուած՝ 1968-1985 տարիներու շրջանաւարտներու։

Հանդիպումին ներկայ եղան մեծ թիւով նախկին Սոֆիա Յակոբեանականներ, որոնք յիշատակելի երկու ժամ անցուցին իրենց երբեմնի քոլէճին յարկին տակ, անցեալի քաղցր յիշատակներով, նախկին դասընկեր-դասընկերուհիներով։ Ներկայ էին 1968-ի առաջին սերունդէն, 1970-ական տարիներու սկզբնական սերունդներէն մեծաթիւ ներկայացուցիչներ, որոնք տարիներ ետք իրարու վերագտան եւ իրարմով ուրախանալու առիթը ունեցան։

Հանդիպումին ամբողջ տեւողութեան մեծ պաստառի վրայ ցուցադրուեցան աշակերտական անցեալի նկարներ։ Այս առիթով խօսք առնելով, տնօրէն Վիգէն Աւագեան ներկայացուց հանդիպումին նպատակը, 50-ամեակի տօնակատարութիւններու շարքը եւ զանոնք իրականացնող մարմինները։ Տնօրէնը իր խօսքին մէջ թուեց Սոֆիա Յակոբեանէն շրջանաւարտ հոյլ մը կրթական մշակներու, խմբագիրներու, մշակութային գործիչներու, բժիշկներու եւ ազգային-հասարակական կեանքի նուիրեալ դէմքերու անուններ։ Ան շեշտեց, որ հայ կեանքի բոլոր բնագաւառներուն տեւական մարդուժ հասցուցած քոլէճը այսօր ալ կը գտնուի իր առաքելութեան մէջ, երբ գաղութի ազգային մեր կառոյցներուն եւ մարմիններուն կը շարունակէ հայթայթել երիտասարդ ու խոստմնալից ուժեր։

Տնօրէն Վիգէն Աւագեանի խօսքէն ետք, սրտի խօսքեր արտասանեցին նախկին շրջանաւարտներ, որոնք մեծապէս գնահատեցին 50-ամեակը ըստ արժանւոյն տօնելու տնօրէնութեան նախաձեռնութիւնը։ Անոնք նաեւ պատրաստակամութիւն յայտնեցին թեւ ու թիկունք կանգնելու 50-ամեակի ծրագիրներու իրականացման։
Հանդիպումին անակնկալը եղաւ 50-ամեակի տեսերիզէն հատուածներու ներկայացումը։ Տեսերիզը ընդգրկեց քոլէճին վաստակաշատ կրթական մշակներու ողջոյնի խօսքերը իրենց սիրելի քոլէճին եւ աշակերտներուն։

Երեքշաբթի, 26 Նոյեմբերին, քոլէճ այցելեցին եւ երկրորդականի Ժ., ԺԱ. դասարաններու աշակերտութեան հետ հանդիպում մը ունեցան Արցախի եւ Ջաւախքի երիտասարդական միութիւններէն ներկայացուցիչներ, որոնք Լիբանան կը գտնուէին Հ.Յ.Դ. ԼԵՄ¬ի հրաւէրով։

Շուրջ մէկ պահուան հանդիպումին ընթացքին, Վահագ Տատայեան եւ Աշոտ Պապոյեան աշակերտութեան ներկայացուցին Արցախի եւ Ջաւախքի երիտասարդութեան ընդհանուր իրավիճակը եւ դիմագրաւած հարցերը։

Ջաւախքի զեկուցումին ընկերացաւ յատուկ տեսերիզի ցուցադրութիւն։

Անցնող շաբթուան ընթացքին, քոլէճը ընդունեց այցելութիւնը Հայկազեան եւ LAU Համալսարաններու ներկայացուցիչներուն, որոնք երկրորդականի ԺԱ., ԺԲ. եւ BT3 դասարաններու աշակերտութեան ընդհանուր տեղեկութիւններ փոխանցեցին համալսարանական մասնագիտութիւններու, արձանագրութեան պայմաններու եւ կրթանպաստի կարելիութիւններուն մասին։

Զոյգ հանդիպումներուն աշակերտներ բազմաթիւ հարցումներով լայն տեղեկութիւններ ստացան զիրենք հետաքրքրող հարցերուն եւ հարցումներուն մասին։

Հինգշաբթի, 21 Նոյեմբերին, քոլէճը Լիբանանի անկախութեան տօնը նշեց յատուկ կերպով։ Առաւօտեան, աղօթքէն ետք, լիբանանեան քայլերգի երգեցողութեամբ տեղի ունեցաւ դրօշակի արարողութիւն, որմէ ետք աշակերտներ անցան հանդիսասրահ, ներկայութեամբ տնօրէնին եւ ուսուցչական կազմին։

Քոլէճին աշակերտական խորհուրդին անունով, ԺԲ. դասարանի աշակերտ Յարութ Աւետիսեան արտասանեց արաբերէն խօսք մը։ Այնուհետեւ, դասարանային ներկայացուցչութեամբ աշակերտներ բաժնուեցան 5 խմբակի, իւրաքանչիւրը լիբանանեան քաղաքի մը անունով (Պէյրութ, Ժիպէյլ, Պաալպէք, Սայտա, Սուր)։

Զարգացման մրցումը կատարուեցաւ արաբերէնով։ Հարցումները պատրաստեց եւ աշակերտութեան ներկայացուց քոլէճին պատմութեան ուսուցչուհի տիկ. Նաժլա Ատաս։ Դատական կազմին մաս կազմեցին ուսուցչական կազմի անդամներէն օրդ. Նուհա Եամմին, տիկ. Լինա Նասրի եւ տիկ. Ռուլա Եունէս։ Հարցումները ունեցան երեք բաժին.- Լիբանանի անկախութեան վերաբերող հարցումներ, լիբանանցի հանրածանօթ դէմքերու յատուկ բաժին եւ մեր օրերու Լիբանանի վերաբերող հարցումներ։

Զարգացման մրցումին աւարտին, առաջնութիւնը շահեցաւ Պէյրութ խումբը։

Ուրբաթ, 15 Նոյեմբերի առաւօտեան, քոլէճ այցելեց եւ միջնակարգի 7¬րդ եւ 8¬րդ դասարաններու աշակերտութեան բնապահպանման նիւթին մասին խօսեցաւ Կոկիկեան Ֆոնտի համալսարանական ուսանողներէն Գալին Մկրտիչեան։

Մկրտիչեան փաուըր փոյնթով աշակերտութեան ուշադրութեան յանձնեց կենսոլորտի պահպանման կարեւորութիւնը եւ նշեց այն բոլոր հնարքները, որոնց դիմելով առօրեայ մեր կեանքին մէջ կրնանք խնայել բնութեան աղբիւրներուն սպառումը։

Յայտնենք, որ Կոկիկեան Ֆոնտը նախաձեռնած է բնապահպանման արշաւի մը, որուն ծիրէն ներս, Ֆոնտը շուտով վարժարաններէ ներս պիտի զետեղէ յատուկ տուփեր, որպէսզի աշակերտներ իրենց օգտագործած թուղթերը թափեն հոն։ Ապա, այդ թուղթերը քաղաքապետութեան օժանդակութեամբ պիտի հաւաքուին եւ վերամշակման գործարաններ փոխադրուին։

Երկուշաբթի, 11 Նոյեմբերի կէսօրին, քոլէճ այցելեցին եւ երկրորդականի աշակերտութեան հետ հանդիպում մը ունեցաւ Երեւանի Պետական Համալսարանի պատմութեան բաժնի վարիչ փրոֆ. Էդիկ Մինասեան եւ նոյն Համալսարանի հայագիտական հետազօտութիւններու հիմնարկի փոխ տնօրէն Մհեր Յովհաննիսեան։

Հանդիպումը առիթ մը եղաւ, որպէսզի քոլէճին աշակերտները մօտէն ծանօթանան Երեւանի Պետական Համալսարանի հայագիտական բաժնին ընդհանրապէս եւ հայոց պատմութեան մասնագիտութեան յատկապէս։

Հիւր դասախօսները ընդհանուր գիծերու մէջ ներկայացուցին 94ամեայ Երեւանի Պետական Համալսարանը, համացանցի անոր կայք էջը եւ Հայաստանի մէջ ուսման կարելիութիւնները։ Անոնք նաեւ նշեցին, որ այժմ լծուած են Սփիւռքի հայկական գաղութներուն համար հայոց պատմութեան դասագիրքերու պատրաստութեան, հետեւաբար անոնք դիմեցին աշակերտութեան՝ հարց տալով, թէ ի՞նչպիսի գիրքեր կը փափաքին ունենալ անոնք։

Աշակերտներ ներկայացուցին կարգ մը առաջարկներ։ Տեղի ունեցաւ քննարկում¬զրոյց՝ արդիական դասագիրք հասկացողութեան շուրջ, որմէ ետք հիւր դասախօսները աշակերտութեան հրաժեշտ տուին յիշատակի նկարով մը։

Լիբանան կատարած իր այցելութեան ծիրին մէջ, Ուրբաթ, 1 Նոյեմբերի կէսօրին, քոլէճ այցելեց նախկին Սոֆիա Յակոբեանական, թատերագիր, նկարիչ եւ արուեստագէտ Վահէ Պէրպէրեան։

Քոլէճին տնօրէնութեան եւ խնամակալութեան կողմէ դիմաւորուելով, Վահէ նախ ծանօթացաւ քոլէճին այսօրուան վիճակին ու ապա ներկայացուց Պէյրութ այցելութեան շարժառիթները՝ գեղանկարչական իր ցուցահանդէսը եւ «Եթէ» մենաներկայացումը։

Տնօրէնութիւնը քոլէճին նախկին աշակերտին վերապահած էր քանի մը անակնկալ։ Առաջինը՝ իր դասընկերներու հետ հանդիպումն էր։ Քոլէճի 1972-1973 սերունդի շրջանաւարտներէն, Վահէի ընկերներէն, Լիբանան կը գտնուէին երկու դասընկերներ միայն՝ Կարօ Արապաղլեան եւ Յակոբ Զաքարեան, որոնք հրաւիրուած էին տնօրէնութեան կողմէ։ Հետեւաբար, յուզիչ եղաւ 40 տարի ետք դասընկերներու հանդիպումը կրթական այն յարկին տակ, ուր անոնք անցուցած էին իրենց պատանեկութեան լաւագոյն օրերը։

Տնօրէնութեան, խնամակալութեան եւ դասընկերներու հետ տեսակցութենէ ետք, Վահէ Պէրպէրեան հանդիպում մը ունեցաւ իր սիրելի քոլէճին աշակերտութեան հետ։ Աշակերտներ ողջոյնի խօսքով, Վահէի գիրքերէն հատուածներու ընթերցումով եւ դաշնակի նուագով բարի գալուստ մաղթեցին հիւրին։ Ընթերցուած հատուածները կը ներկայացնէին Վահէի աշակերտական տարիքի յուշեր եւ ընդհանրապէս գիրքի եւ ընթերցանութեան մասին մտորումներ, քաղուած՝ «Նամակներ զաաթարէն» եւ «Յանուն հօր եւ որդւոյ» գիրքերէն։

Աշակերտներու ելոյթէն ետք, քոլէճի տնօրէն Վիգէն Աւագեան իր կարգին ողջունեց արուեստագէտ Վահէ Պէրպէրեանը եւ գնահատեց մեր կեանքի թերութիւնները տեսնելու, վերլուծելու անոր կարողութիւնը եւ մենաներկայացումներով զանոնք ժողովուրդին ուշադրութեան յանձնելու արուեստը։ Ինքնասրբագրման առաջին ուղին սեփական թերութիւններուն անդրադառնալն է, նշեց տնօրէն Աւագեան, աւելցնելով որ Վահէ Պէրպէրեան մեզ ինքնասրբագրման մղող արուեստագէտն է, իսկական երեւոյթ մըն է ան մեր օրերուն։

Իր խօսքին աւարտին, տնօրէն Վիգէն Աւագեան արուեստագէտ հիւրին հրամցուց երկրորդ անակնկալ մը, երբ անոր նուիրեց 1969-ի անոր դասարանային խմբանկարը եւ Սոֆիա Յակոբեանի մէջ ուսումնառութեան տարիներու վիճակացոյցներէն օրինակներ։ Քոլէճին խնամակալութիւնը, իր կարգին, յուշանուէրով մը պատուեց Վահէ Պէրպէրեանը, որ այսօր բարձր կը պահէ քոլէճին անունը աշխարհի չորս ծագերուն իր ունեցած ելոյթներով եւ արուեստի ներկայացումներով։

Այնուհետեւ, յուզուած տրամադրութիւններով բեմ բարձրացաւ Վահէ Պէրպէրեան։ Ան շնորհակալութիւն յայտնեց իրեն ընծայուած պատիւին ու յարգանքին համար։ Ան ըսաւ, որ գիրք կարդալու եւ քննական մտածողութիւն ունենալու կարողութիւնը կը պարտի Սոֆիա Յակոբեանի իր ուսուցիչներուն։ Ան իրեն յատուկ ոճով դրուագներ յիշեց Սոֆիա Յակոբեանի աշակերտական իր տարիներէն, դասընկերներէն եւ ուսուցիչներէն։

Վահէ Պէրպէրեան խօսեցաւ գիրքերու աշխարհին հետ իր ունեցած մտերմութեան մասին եւ աշակերտութեան թելադրեց կեանքի մէջ յաջողելու, լայն մտահորիզոն ունենալու եւ զարգանալու համար հեռու մնալ համացանցի մակերեսային ժամանցի զբաղումներուն եւ գի՛րք կարդալ, գրականութի՛ւն կարդալ, մեր միտքն ու հոգին հարստացնելու համար։

Հանդիպումին աւարտին Վահէ Պէրպէրեան պատասխանեց ներկայ աշակերտներու մեծաթիւ հարցումներուն։ Ապա, ան յիշատակի կարգ մը լուսանկարներ նկարուելով հրաժեշտ տուաւ քոլէճին։

Կրթական 2013-2014 տարեշրջանի ազդանշանէն երեք օր ետք, Ուրբաթ, 27 Սեպտեմբեր 2013-ին տեղի ունեցաւ քոլէճին ծնողական առաջին ժողովը, ներկայութեամբ աւելի քան 175 ծնողներու։

Ժողովին սկիզբը, ծնողներ դիտեցին քոլէճին անցնող տարուան գործունէութիւնը ներկայացնող տեսերիզը։ Նորեկ ծնողներ ծանօթացան քոլէճին կրթական, մանկավարժական եւ արտադասարային աշխատանքներուն, իսկ նախկին ծնողներ վերյիշեցին 2012-2013 տարեշրջանին քոլէճին ծաւալած բեղուն գործունէութիւնը, ուր իրենց զաւակները հանդէս կու գային կրթական տեսակաւոր աշխատանքներով, ձեռնարկներով եւ մրցանակներով։

Տեսերիզի ցուցադրութենէն ետք, քոլէճի տնօրէն Վիգէն Աւագեան ծնողներուն ներկայացուց քոլէճին կրթական, կարգապահական եւ վարչական գործունէութեան գլխաւոր սկզբունքները։ Ապա, ան անդրադարձաւ քոլէճին կրթական մակարդակին բարձրացման համար տնօրէնութեան որդեգրած նոր քայլերուն եւ թելադրեց ծնողք-քոլէճ առաւելագոյն գործակցութիւն՝ արդիւնաւէտ նոր տարեշրջանի մը բոլորման համար։

Իր խօսքին մէջ, տնօրէն Վիգէն Աւագեան նշեց, թէ կրթական ընթացիկ գործունէութեան կողքին, քոլէճը անցնող տարիներուն կազմակերպած է յետմիջօրէի ձրի դասընթացքներ՝ լեզուներու եւ ուսողութեան։ Ամրան, քոլէճը կազմակերպած է նաեւ վերաքննութիւններու պատրաստութեան դասընթացք՝ միջնակարգի աշակերտներու համար, երկրորդականի աշակերտներու կողմէ։ Եւ դեռ, քոլէճէն աշակերտներ մասնակցած են Պրօվէի Բ. հանգրուանի պատրաստութեան եւ 8-9րդ դասարան անցնողներու յատուկ դասընթացքներուն, որոնք քոլէճին մէջ կազմակերպուած են ՈւսումնականԽորհուրդին եւ Ազգային Արհեստից Վարժարանին կողմէ։

Այս առիթով տնօրէնը յայտնեց, որ ինչպէս անցեալ տարի, այս տարի եւս մեծ թիւով սուրիահայ աշակերտներ իրենց ուսումը կը շարունակեն քոլէճէն ներս։ Տարբեր դասարաններու մէջ կան 60 նորեկ աշակերտներ, ինչ որ ցուցանիշը կը հանդիսանայ քոլէճին հանդէպ ծնողական շրջանակին ունեցած մեծ վստահութեան։
Ժողովի աւարտին, տնօրէն Վիգէն Աւագեան ներկայ ծնողներուն ծանօթացուց քոլէճի անձնակազմին նոր միացած ուսուցիչ-ուսուցչուհիները եւ յաջող տարեշրջան մը մաղթեց բոլորին։

Երեքշաբթի, 24 Սեպտեմբերին, աշակերտական կեանքը վերադարձաւ Ազգ. Լեւոն եւ Սոֆիա Յակոբեան Քոլէճ։ Առաւօտեան զանգին հետ, դասընկերներ վերագտան զիրար, հանդիպեցան հին թէ նոր ուսուցիչներու եւ կրթական յաջող տարուան մը բարեմաղթութիւններով ազդանշանը տուին ուսումնական 2013-2014 տարեշրջանին։

Առաւօտեան ժամը 8-ին, ներկայութեան ստուգումէ եւ դասարաններու ճշդումէ ետք, աշակերտներ իրենց ուսուցիչներու ընկերակցութեամբ ուղղուեցան Սրբոց Քառասնից Մանկանց Եկեղեցի, ուր ստացան Սուրբ Հաղորդութիւն։

Ապա, բոլորը վերադարձան քոլէճ եւ հաւաքուեցան հանդիսասրահին մէջ, ուր ցուցադրուեցաւ անցնող տարուան կրթական գործունէութիւնը ծանօթացնող տեսերիզը, որմէ ետք տնօրէն Վիգէն Աւագեան բեմ հրաւիրեց 7րդ դասարանի 52 նորեկ աշակերտները եւ անոնց նուիրեց քոլէճին խորհրդանշանը ներկայացնող կրծքանշաններ։ Աշակերտներ ծափերով ողջունեցին նոր Սոֆիա Յակոբեանականները՝ 6ամեայ յաջող ուսումնառութիւն մաղթելով անոնց։

Յաջորդեց տնօրէնութեան թիւ 1 շրջաբերականին ներկայացումը։ Աշակերտութեան ուղղուած խօսքով մը, տնօրէնը անդրադարձաւ թիւ 1 շրջաբերականի կարեւոր բաժիններուն առաւելաբար ծանրացաւ կրթական փայլուն արդիւնքներ ապահովելու ձեւերուն վրայ։ Ան շեշտեց կեդրոնացեալ, լուրջ եւ հետեւողական աշխատանքի կարեւորութիւնը, ապա ընդգծեց տիպար վարք ու բարք ունենալու անհրաժեշտութիւնը։ Տնօրէնը նշեց նաեւ, որ 2014ին պիտի տօնուի քոլէճին 50ամեակը եւ աշակերտութեան իր լայն մասնակցութիւնը պիտի ունենայ հրապարակային կարգ մը ձեռնարկներու յաջողութեան մէջ։

Տնօրէնին փոխանցումներէն ետք, աշակերտութիւնը բարձր տրամադրութիւններով լծուեցաւ կրթական իր նոր տարեշրջանին առաջին քայլերուն։

Կրթական 2013-2014 տարեշրջանին ազդանշանը տրուեցաւ ուսուցչական ընդհանուր ժողովով մը, որ տեղի ունեցաւ Շաբաթ, 21 Սեպտեմբեր 2013-ի առաւօտեան ժամը 10-ին, քոլէճին հանդիսասրահին մէջ։

Ժողովը նպատակադրեց մշակումը կրթական ամբողջական թղթածրարի մը, որ պիտի բովանդակէ Ազգ. Լեւոն եւ Սոֆիա Յակոբեան Քոլէճի 6ամեայ ուսումնառութեան գլխաւոր նիւթերը, մանկավարժական սկզբունքները, զանոնք կիրարկելու ձեւերն ու միջոցները։

Ժողովին սկիզբը, տնօրէն Վիգէն Աւագեան ներկայ ուսուցիչները ողջունելով, բարի եւ արդիւնաւէտ տարեշրջան մը մաղթեց բոլորին, ապա ան բացատրեց կրթական թղթածրարի մը պատրաստութեան անհրաժեշտութիւնը, իբրեւ հիմնական ուղեցոյց գալիք օրերու աշխատանքներու։

Այնուհետեւ, ուսուցիչները, ըստ իրենց դասաւանդած նիւթերուն, բաժնուեցան վեց խմբակի.- հայագիտական նիւթերու դասատուներ, արաբերէնի դասատուներ, անգլերէնի դաստուներ, ուսողութեան դասատուներ, բնագիտութեան դասատուներ, քիմիագիտութեան եւ կենսաբանութեան դասատուներ։ Իւրաքանչիւր խմբակ առանձնանալով պատրաստեց գրաւոր զեկուցում մը՝ 7-12րդ դասարաններու կրթական իր ծրագիրին, դժուարութիւններուն եւ անոնց լուծման առաջարկներուն մասին։

Խմբակային աշխատանքէն ետք, ուսուցիչներ Ռուլա Խուրի (անգլերէն), Նուհա Եամմին (արաբերէն), Մատլէն Վարդանեան (հայերէն), Վահագն Թաշճեան (բնագիտութիւն), Վաչէ Պուլղուրճեան (ուսողութիւն) եւ Շանթ Ծատիրեան (քիմիագիտութիւն եւ կենսաբանութիւն) ներկայացուցին իրենց կատարած աշխատանքները։ Կատարուեցաւ կարճ քննարկում, որմէ ետք տնօրէն Վիգէն Աւագեան յայտարարեց կազմութիւնը ուսուցիչներէ բաղկացած յանձնախումբի մը, որ մինչեւ երկու ամիս ներկայացուած զեկուցումները պիտի սերտէ, խմբագրէ եւ իր վերջնական ձեւով ներկայացնէ ուսուցչական յաջորդ ընդհանուր ժողովին, առ ի հաստատում։

Ժողովին երկրորդ մասը քննեց քոլէճին անցնող տարեշրջանի պրէօվէի եւ պաքալորէայի պետական քննութիւններու արդիւնքները։ Նախ՝ վիճակագրական յատուկ տախտակներով եւ փաուըր փոյնթի միջոցով բաղդատականներ կատարուեցան դպրոցական փորձ-քննութիւններու եւ պետական քննութիւններու արդիւնքներուն միջեւ, ապա՝ ըստ նիւթի եւ դասարանի ներկայացուեցան յաջողութեան համեմատութիւնները։ Դարձեալ բաղդատական մը կատարուեցաւ անցեալ եւ նախորդող տարիներու արդիւնքներուն միջեւ։

Արդիւնքներու քննարկումէն ետք, տնօրէն Վիգէն Աւագեան կատարեց կարգ մը թելադրանքներ՝ պետական քննութիւններու արդիւնքներու բարելաւման մասին։ Այս առիթով ան յայտնեց, որ այսուհետեւ քոլէճէն ներս պիտի գործեն կրթական երկու պատասխանատուներ՝ տիկ. Ռիթա Օհաննէսեան եւ օրդ. Զեփիւռ Նէնէճեան, որոնք մօտէն պիտի հետեւի 9րդ եւ 12րդ դասարաններու աշակերտներու պետական քննութեանց պատրաստութեան աշխատանքներուն։

Ուսուցչական առաջին ընդհանուր ժողովի աւարտին, տնօրէնը կատարեց կրթական, կարգապահական եւ վարչական աշխատանքներու վերաբերող շարք մը փոխանցումներ։ Ան նաեւ նշեց, որ 2014-ը կը զուգադիպի քոլէճին հիմնադրութեան 50ամեակին, որուն համար ձեռնարկուած է տօնակատարութիւններու շարքի մը՝ Լիբանան եւ արտասահման։

TOP

A wonderful serenity has taken possession of my entire soul, like these sweet mornings of spring which I enjoy with my whole heart. I am alone, and feel the charm of existence in this spot, which was created for the bliss of souls like mine.

I am so happy, my dear friend, so absorbed in the exquisite sense of mere tranquil existence, that I neglect my talents. I should be incapable of drawing a single stroke at the present moment; and yet I feel that I never was a greater artist than now.

When, while the lovely valley teems with vapour around me, and the meridian sun strikes the upper surface of the impenetrable foliage of my trees, and but a few stray gleams steal into the inner sanctuary, I throw myself down among the tall grass by the trickling stream; and, as I lie close to the earth, a thousand unknown plants are noticed by me: when I hear the buzz of the little world among the stalks, and grow familiar with the countless indescribable forms of the insects and flies, then I feel the presence of the Almighty, who formed us in his own image.

Duis dictum tristique lacus, id placerat dolor lobortis sed. In nulla lorem, accumsan sed mollis eu, dapibus non sapien. Curabitur eu adipiscing ipsum. Mauris ut dui turpis, vel iaculis est. Morbi molestie fermentum sem quis ultricies. Mauris ac lacinia sapien. Fusce ut enim libero, vitae venenatis arcu. Cras viverra, libero a fringilla gravida, dolor enim cursus turpis, id sodales sem justo sit amet lectus. Fusce ut arcu eu metus lacinia commodo. Proin cursus ornare turpis, et faucibus ipsum egestas ut. Maecenas aliquam suscipit ante non consectetur. Etiam quis metus a dolor vehicula scelerisque.

Nam elementum consequat bibendum. Suspendisse id semper odio. Sed nec leo vel ligula cursus aliquet a nec nulla. Sed eu nulla quam. Etiam quis est ut sapien volutpat vulputate. Cras in purus quis sapien aliquam viverra et volutpat ligula. Vestibulum condimentum ultricies pharetra. Etiam dapibus cursus ligula quis iaculis. Mauris pellentesque dui quis mi fermentum elementum sodales libero consequat. Duis eu elit et dui varius bibendum. Sed interdum nisl in ante sollicitudin id facilisis tortor ullamcorper. Etiam scelerisque leo vel elit venenatis nec condimentum ipsum molestie. In hac habitasse platea dictumst. Sed quis nulla et nibh aliquam cursus vitae quis enim. Maecenas eget risus turpis.